“Respublika günü”nə həsr olunmuş elmi konfrans

Çap



“Respublika günü”nə həsr olunmuş elmi konfrans27 may 2019-cu il tarixdə ADPU-nun Şəki filialında 28 may - “Respublika günü”nə həsr olunmuş elmi konfrans keçirilib.
Konfransı giriş sözü ilə filialın direktoru, riyaziyyat üzrə elmlər doktoru, dosent Rafiq Rasulov açıb. O, 28 may tarixinin xalqımız üçün qürurverici bir gün – Azərbaycan Demokratik Cumhuriyyətinin yaranmasının ildönümünü hər bir azərbaycanlı üçün
şərəf və ləyaqətin təntənəsi kimi dəyərləndirib, milli müstəqilliyimizin bərpasında və möhkəmləndirilməsində Ümummilli Lider Heydər Əliyevin tarixi xidmətlərindən bəhs edib.
Konfransda Humanitar fənlər kafedrasının baş müəllimi Həbibulla Manaflının “Xalq Cumhuriyyəti və müasir Azərbaycan” mövzusunda məruzəsi, “Tarix-coğrafiya müəllimliyi” ixtisasının II tədris ili tələbəsi İsmayıl İsmayılzadənin “Azərbaycan Xalq Cumhuriyyəti və dövlət quruculuğunda demokratik islahatlar”, həmin ixtisasın V tədris ili tələbəsi Cavid Qasımovun “Azərbaycan Xalq Cumhuriyyətinin xarici siyasət kursu” mövzularında çıxışları dinlənilib.
Konfransda iştirak edən Şəki Şəhər Gənclər və İdman İdarəsinin rəisi Vüqar İsgəndərov 28 may – Respublika gününün tarixi əhəmiyyəti haqqında öz fikirlərini konfrans iştirakçıları ilə bölüşüb.
“Respublika günü”nə həsr olunmuş elmi konfrans“Respublika günü”nə həsr olunmuş elmi konfrans“Respublika günü”nə həsr olunmuş elmi konfrans